05 Uzt

Tipi-Topa ostegunetan Lezon

Lezoko Udala, Osakidetzarekin eta Eusko Jaurlaritzako Osasun Publikoko
Zuzendaritzarekin batera, zahartzaro aktiboa eta osasungarria sustatzeko helburuarekin lanean ari da. Diseinatutako ekintza planaren baitan kokatzen da Tipi Topa egitasmoa.

Programaren helburua da adinekoen ongizate fisikoa eta mentala hobetzea eta, horretarako,
ostegunero ibilaldi bat antolatzen da herrian zehar. Gerturatzen diren pertsonen ibiltzeko ohituren araberako ibilbide ezberdinak daude.

Egitasmo hau, partehartze prozesu baten ondorio sortu da; bertan, aipatu
hiru erakundeez gain, herriko beste eragile batzuk parte hartu dute, besteen artean, Aiton Borda, Lezoko Caritas eta Gaxuxa. Aipatutako hauek antolaketan parte hartze dute.

Tipi Topa Lezo, Eusko Jaurlaritzako Osasun Sailaren Ttipi Ttapa programan oinarritzen da. Helburu berdinak izanik, Lezora ekartzerakoan Tipiri Topa gehitu zaio izenean, ekimenak topagune izan nahi duelako.

Edonork du bertan parte hartzeko aukera, nahiz eta 60 urtetik gorako herritarrentzat aurreikusia dagoen eta bereziki jarduera fisikorik egiten ez dutenentzat. Parte hartzeko, hitzordura agertu baino ez dago. Bertan izena emateko aukera dago. Ibilbideak seguruak dira eta ondo egokituta daude ibiltzeko zailtasunak dituzten herritarrentzat. Horretaz gain, aipatutako erakundeetako boluntarioen laguntza jasotzen da ibilbide osoan zehar.

06 Eka

Udalerri Aktiboen jardunaldia Errenterian

Udalerri aktiboen jardunaldi berri bat ospatu zen pasa den ostiralean Errenterian. Jarduera fisikoa sustatzeko helburuarekin  tokiko eragile ezberdinen ekimenak aztertu eta guztien arteko lankidetzan sakontzeko hainbat esperientzia partekatu ziren.

Udalak, Osasun Publikoaren Zuzendaritzak eta Osakidetzak elkarlananean antolatu zuten ikastaroa eta guztira 50 parte-hartzaile inguru gerturatu ziren.

Esperientzia ezberdinak aztertu ziren. Lehenengo blokean , osasunaren baldintzatzaileak, jarduera fisikoaren onurak eta Mugiment, jarduera fisikoa sustatu eta sedentarismoa gutxitzeko plana, izan ziren hizketagai.

Bigarren zatian, jarduera fisikoaren sustapenarekin eta sektore arteko lankidetzarekin erlazionatutako ekimen eta esperientzia ezberdinak aurkeztu ziren, gehienak Oarsoaldea eta Bidasoa ingurukoak.

Bukatzeko, tokiko sareak sortzeko aplikazio pratiko bat burutu zen eta gogoeta partekatu batekin borobildu zen jardunaldia.

Programa

  • 08:45: Aurkezpena.
  • 9:10-9:25: Osasunearen determinatzaileak, Yon Sorarrain Osasun Sustapenerako Teknikariaren eskutik.
  • 9:25-9:40: Jarduera fisikoaren onurak eta sedentarismoaren arriskuak, Arantxa Uranga Osasun Sustapeneko teknikariaren eskutik.
  • 9:40-9:55: Mugiment eta bere estrategiak, Iker Etxeberriarekin.
  • 9:55-10:00: Ariketak.
  • 10:00-10:20: Oiartzun ibaiaren ingurua Errenterian: Jarduera fisikoa egiteko paisaiak, Ekogarapeneko Javier Belza eta Estela Betetarekin.
  • 10:20-10:35: Adinekoentzako Komunitate mailako esku hartzea Lezon, Gemma Estevez eta Arkaitz Angiozarrekin.
  • 10:40-11:00: Osasun APPak: Osasun sustapeneko ikerkuntza, Antxon Apiñanizeta eta Raquel Cobos.
  • 11:30-11:50: Sareko lana, paziente ahulen artean jarduera fisikoa sustatzeko, MUGITUZ, Serviocioko Gorka Bengoetxea, Osakidetzako Andoni Bueno, eta Gemma Diazekin.
  • 11:55-12:15: Herri eragileak emakumeen artean jarduera fisikoa sustatzeko, EATko Baietz Taldeko Dana Romero eta Virginia Rodriguezekin.
  • 12:15-12:20: Ariketak
  • 12:25-12:45: Osasun Sustapena hezkuntzan Bidasoatik Mundura, Kronikguneko Irati Erregerena eta Berritzeguneko Pedro Roarekin.
  • 13:00-14:00: Aplikazio praktikoa: tokiko sareak sortu, herri mailako esku hartzeak egin jarduera fisikoa sustatzeko. Tailer praktikoa taldean.

14:00-14:30: Eztabaida eta bateratze lana: Zer egin dezakegun gure inguruko errealitatean

02 Eka

EAEko Osasun planean aurreikusitako 10 helburuetatik 7 bete dira

Eusko Jaurlaritzak 2013-2020 urteetarako Osasun Planean aurreikusitako helburu eta ekintzen % 70 abian jarri dituela jakinarazi dute, gaur, Jon Darpon Osasun sailburuak, eta Miren Dorronsoro Osasun Publikoaren zuzendariak.

Plana abian jarri zela bi urte igaro diren honetan, horren garapen-mailaren nondik norakoak azaltzeko agerraldia egin dute Eusko Legebiltzarrean.

Darponek gogora ekarri duenez, planak 35 helburu eta 146 ekintza barne hartzen ditu eta “gure osasun-sistema kalitatezkoa mantentzea eta hobetzea” du xede.

Abian jarritako ekintzen artean Darponek azpimarratu ditu, veste batzuen artean, osasunerako, zahartzarorako eta gaztarorako inguru osasungarrien sustapena. Ildo horretan, nagusientzako “Lagunkoia” eta ariketa fisikoak sustatzeko “Mugiment” planen garapena azpimarratu dituzte.

 Jarduera fisikoa sustatzeko tokiko ekimen komunitarioak burutu dira 95 udalerritan 115 proiekturen bitartez eta tokiko osasun sare komunitarioak osatu dira 20 udalerritan eragile ezberdinen parte-hartzearekin, besteak beste, udalak, elkarteak, foru aldundiak, eta Eusko Jaurlaritzako sail ezberdinak.

18 Mai

ZUK ekimena; Zuia-Urkabustaiz-Kuartango

Zuia, Urkabustaiz eta Kuartango batera ari dira lanean jarduera fisikoa sustatzeko idearen inguruan. Zuia eta Urkabustaiz Zuiako Kuadrilakoak diren bitartean, Kuartango Añanako Kuadrilakoa da. Hori, ordea, ez da izan eragozpena elkartu eta batera lan egiteko bertako herritarrentzak bizi ohitura aktiboen sustapenean.

ZUK izeneko sare bat sortu dute, eta sare honen bitartez herritarren inplikazioa bilatzen ari dira, beraien ideia eta ekarpenekin, jarduera fisikoa sustatu eta sedentarismoa gutxitzera bideratutako ekintzak sortzen laguntzeko.

zuk

Talde eragilean Osasuna, Kirolak edota Gizarte Zerbitzuak bezalako arlo eta disziplina ezberdinetako politiko eta teknikariek parte hartzen dute. Hausnarketa egin eta oinarrizko diagnostiko bat osatzeko bilera batzuen ondoren, maiatzean zehar jardunaldi parte hartzaileak  burutzen ari dira udalerri bakoitzean, elkarte eta norbanakoek beraien ideiak eta proposamenak eman ditzaten herri bakoitzak eskaintzen dituen aukera eta beharretatik abiatuta.

Hurrengo egunetan ekimen honen emaitzak ikusteko aukera izango dugu eta komunitateak planteatutako proposamenen inguruan lanean hasteko ordua izango da.

04 Mai

Astearte osasungarriak

Gordexolako Udaletxea eta Osasun Zentroa elkarlanean, sareko lana sustatzen dihardute herrian, bertako erakunde eta biztanlegoaren partaidetzaz lagunduta.  Modu honetan, ikaskuntzako gunea sortu dute, non hitzaldiak eta tailerrak antolatzen diren, hala nola: “Modu osasungarrian jaten ikasi”, “Lehen laguntzak bihotzekoaren aurrean”, “Alkohola, osasun arazoa?”, “Osasun-laguntza: zure segurtasunean inplikatu”, “Zer dakit hartzen ditudan botiken inguruan?”, ’’Emozioak eta Osasuna”, “Jarduera fisikoa eta Osasuna”, “Lehen Laguntzak arnasketa ezean”, “substantziarik gabeko adikzioak”, “Pixa-ihesarentzat tratamendu eta prebentzioa”, “Musikoterapia: osasuna, musika eta emozioak”, “Kultura ingurunea eta osasuna”, etb.

Gaur egun, astearte osasungarriak zabaltzen ari dira eta honekin batera ikuspegia handitu egin da Mugiment Basque Country programa sortuz. Honek, biztanleriaren jarduera fisikoa sustatzen du eta herrian ekintza osasungarri berriak sortzeko aukera ematen du. Honekin batera, udalak astearte osasungarriak ekintza berrietara zabaltzea nahi ditu, esate baterako, gidatutako tailerrak non kirol monitoreak lekuan bertan erakusten duten, herriko parke bio osasungarriaren erabilera egokia 65 urtetik gorakoei ekintzak sortuz.

14 Api

AtxabaltaMugi aurkeztu dute

Jarduera fisikoa bultzatzea helburu duen AtxabaltaMugi egitasmoa aurkeztu zen asteartean Aretxabaletan. Eusko Jaurlaritzak, Debagoieneko Ospitaleak eta Udalak bat egin dute ekimena bultzatzeko eta hiru erakundeek elkarlanean jardungo dute aretxabaletarrak “mugi” daitezen. Ekimena Mugiment proiektuarekin bat egin izanaren ondorioa da.

Elkarrekin plan bat osatu dute eta 2016an abian jarriko dute. Lehenengoa izango da, aretxabaletarrek jarduera fisikoaren inguruan dituzten ohiturak ezagutzea.

Bigarren urratsa izango da jarduera fisikoko orientazio bulego bat irekitzea. Durana kalean, Murrukixo mendizale elkarteak bulegoa duen lokal berean egongo da hori: “Herritar guztiei egongo da zabalik, baina bereziki, osasun etxetik eta Udaleko gizarte zerbitzuetatik bideratutakoentzat”, adierazi du Asier Mujika, Kirol Teknikariak.  Aholkularitza jasoko dute guztiek han.

Beste ekimen batzuk etorriko dira ondoren, jarduera fisikoa sustatzeko sentsibilizazio kanpainak, esaterako. Izan ere, uste dute kirol jarduera bultzatu dela beti, eta orain, jarduera fisikoa sustatzen jarri gura dituzte indarrak: “Oraindik zehaztu barik ditugu datak baina asmoa da sortzea korrika taldea, oinezkoen taldea eta nordic walking taldea, besteak beste. Eta MugiEguna ere ospatuko da”, zehaztu du kirol teknikariak.

22 Mar

Gordexolako Mugisarea

Gordexola 1.700 biztanle inguru dituen udalerria da, baina hau ez da eragozpena izan Mugiment ekimenera atxiki dadin. Beraien xedea da, Gordexola leku aproposa bihurtzea fisikoki aktibo izan nahi duten pertsona guztientzat.

Mugimenteko talde eragileak hilabeteak daramatza lanean, jarduera fisikoaren praktika maila handitzeko eta sedentarismoa gutxitzeko helburuarekin. Ordea, martxoa izan da aurreko lan guztia hau udalerriko elkarte eta herritar guztiekin partekatzeko aukeratu den garaia.

Topaketa, Algela Eguia Alkateak gidatu zuen , eta komunitatearen iritzi eta beharrak ezagutzeko balio izan zuen. 25 lagunek parte hartu zuten eta maiatzean jarri dute berriz hitzordua partekatutako hausnarketarekin jarraitzeko.

15 Mar

Aretxabaletako Mugisarea: ekintza plana zehazten

Aretxabaletako Mugisarea aurrera doa 2016rako ekintzen zehaztapenen lanean. Burututako azken bileran Kirol Teknikariak, Gizarte Zerbitzuetako Teknikariak, Osakidetzako arduradunak, eskualdeko Osasun Publikoko Teknikariak eta Mugimenteko dinamizatzaile batek parte hartu zuten, eta bertan, Aretxabaletan 2016an jarduera fisikoa sustatzeko eta sedentarismoa gutxitzeko ekintza planaren definizio prozesua bukatutzat eman zen.

04 Mar

Tokiko Osasun Sarea Eskoriatzan

Debagoieneko ospitalea (ESI), Eskoriatzako Osasun Zentroa eta Udaleko Kirol, Prebentzio eta Gizarte saila osasun sarea sortzeko ahaleginetan ari dira herrian. Eskoriatza ezagutzeko helburuaz, bertako elementu osasungarriak identifikatu, eta parte-hartze komunitarioaren bitartez, Tokiko Osasun Sarea sortzeko. Eskoriatza, zure herria, osasuna da lelopean, inkesta bat prestatu du Udalak herritarren iritzia jasotzeko asmoz.

Otsailean esparru zehatz batzuetan banatu da inkesta hau: Osasun Zentroan, Udala osatzen dutenen artean, ikastetxeetan, kiroldegiko nagusien ekintzetan, jubilatu elkartean, emakume elkartean, auzoetan eta merkatarien artean, besteak beste.